Hugtakið Wiki er komið úr tungumáli Hawaibúa og merkir hratt/fljótt. Wiki er (oftast nær) opinn vefur og hver sem áhuga hefur getur breytt slíkum vef að vild í gegnum vefskoðara. Þekktasti Wiki vefurinn er án efa alfræðibókin Wikipedia.
Wiki vefir eru kjörnir til nota í námi og kennslu og einstaklega vel til fallnir þegar kemur að samvinnu og notkun þeirra fellur vel að samvinnunámi og hugmyndafræði félagslegrar hugsmíðahyggju.
Á vef Educause má finna mjög góða samantekt um Wikivefi og hagnýtingu þeirra, kjörið lesefni fyrir alla þá sem vilja kynna sér wikivefi.
