sfjalar

Undanfarna daga hef ég unnið að uppfærslu og breytingum á námsvef Fjölbrautaskólans í Breiðholti, en hann má finna á slóðinni www.dreifnam.is.

Markmiðið með breytingunum var að gera vefinn aðgengilegri nemendum og stílfæra þannig að hann yrði meira í takt við vef skólans. Sjálfsagt er að taka það fram fyrir þá sem ekki vita, að dreifnam.is vefurinn hýsir Moodle námsstjórnunarkerfið sem hagnýtt er við Fjölbrautaskólann í Breiðholti. Moodle er opinn hugbúnaður (open source) og hefur m.a. verið unnið að þýðingu kerfisins í sumar.