sfjalar

Flickr er opið netsamfélag, ekki einungis í þeim skilningi að hver sem er getur sótt um aðgang og sett myndir sínar á vefinn og skoðað myndir annarra, heldur einnig hvað tæknilega nálgun varðar. þannig er, að hver sem áhuga hefur og nægilega forritunarþekkingu getur á einfaldan hátt tengt eigin hugarsmíði Flickr netsamfélaginu og sótt þaðan eða sent þangað myndir og upplýsingar sem þeim tengjast.

Fjölmargir hæfileikaríkir Flickr notendur hafa gripið þennan möguleika á lofti og forritað sjálfstæðar viðbætur við Flicker sem margar hverjar gefa Flickr alveg nýja vídd:

Hér er nokkur áhugaverð dæmi:

• Flickr myndaalbúm
  http://www.flickralbum.com/
  Hér er gefið upp Flickr notendanafnið og eitt einstakt tag/merki og verður þá til raunverulegt myndaalbúm sem hægt er að fletta og skoða í tölvunni. Albúmið má síðan senda til vina og kunningja.
• Flickr Magazine
  http://flagrantdisregard.com/flickr/magazine.php
  Hér er gefin upp vísun á einstaka Flickr mynd (slóðin að myndinni aftiruð) og sleginn inn texti í textareiti. Þessar upplýsingar eru notaðar til þess að búa til mjög sniðugar tímarits-forsíður. Skemmtilegt að nota í kennslu.
• Flickr nafnspjöld
  http://flagrantdisregard.com/flickr/badge.php
  Hér er gefin upp vísun á einstaka Flickr mynd (slóðin að myndinni afrituð) og sleginn inn texti í textareiti. Þessar upplýsingar eru notaðar til að búa til einföld nafnspjöld.
• Flickr Postcard Browser
  http://www.airtightinteractive.com/projects/flickr_postcard_browser/app/
  Gefðu upp einstaka Flickr tag/merki og birtist þá yfirlit yfir allar myndir sem merktar hafa verið með því. Einfalt að skoða myndirnar á mjög lifandi og skemmtilegan hátt.
• Litahringurinn
  http://krazydad.com/colrpickr/
  Veldu lit og á skjánum birtast nokkar myndir, einmitt í þeim lit. Myndirnar eru fengnar úr Flickr litahópnum (Color fields group).
• Mastercards
  http://metaot.com/projects/mastercards_flickr/?q=projects/game/mastercards.php
  Einfaldur pörunarleikur sem notast við Flicker myndir.
• Flickr Mósaík
  http://flagrantdisregard.com/flickr/mosaic.php
  Einföld leið til að búa til mósaík úr Flickr myndum.
• Chia Pet
  http://krazydad.com/defacement/
  Held ég sleppi því að lýsa þessu. Prufið bara sjálf.

Upplýsingar um fleiri Flickr verkfæri má finna hér.