sfjalar

Már Örlygsson, sérlegur áhugamaður um heimalesnar hljóðbækur, fékk þá hugmynd að það gæti verið sniðugt að lesa dæmisögur Esóps inn á tölvunna og brenna svo á geisladisk fyrir son sinn. Hugmyndin er góðra gjalda verð og til allrar lukku hrinnti Már henni í framkvæmd og það sem meira er hann hefur gert upptökurnar öllum aðgengilegar á Netinu.

Nú þegar er hægt að sækja alls af dæmisögum Esóps á mp3 sniði og er ég ekki í nokkrum vafa að bæði foreldrar og kennarar geta fundið margvísleg not fyrir þetta efni. Lítið er um heimalesnar hljóðbækur á Netinu en þó barst ábending á vef Márs um upplestur á bókinni Bangsímon, í þýðingu Huldu Valtýsdóttur. Það væri gaman að vita hvort lesendur þekkja fleiri dæmi um upplestur á íslenskum bókum sem hægt er að sækja endurgjaldslaust á Netinu. Ég veit að Skólavefurinn býður upp á eitthvað af slíku efni, en það er ekki hægt að sækja án endurgjalds og hið sama má segja um vefinn hljóðbók.is.

Kannski verður þetta framtak Más til þess að fleiri aðilar taki til við að hljóðrita upplestur á bókum og koma á framfæri á Netinu. Það er mikið til af efni sem ekki er lengur verndað af höfundarétti og því löglegt að dreifa á þennan máta. Ef til vill væri hægt að gera eitthvað í líkingu við þetta.

Hér má svo finna upplýsingar um Esóp.

Technorati merkingar: audiobooks, hljóðbækur, mp3, esop