Örninn er lentur!
Sunnudaginn 20. júlí árið 1969 lenti Apolló 11 geimfarið á tunglinu með tvo menn innanborðs. Daginn eftir steig Neil Armstrong fyrstur manna fæti á tunglið og markar sá atburður djúpt spor í sögu Bandaríkjanna og mannkynssögunni allri. Frásögnin af ævintýralegum leiðangri Apolló 11 og fjölda annarra viðburða sem tengjast sögu Bandaríkjanna er nú aðgengileg í máli og myndum endurgjaldslaust á Google Video safninu.
Myndböndin eru afrakstur samstarfsverkefnis Google og National Archives stofnunarinnar í Bandaríkjunum. Markmiðið með framtakinu er að gera þennan dýrmæta menningararf bandarískrar sögu aðgengilegan öllum sem áhuga hafa og er óhætt að segja að um mjög spennandi verkefni sé að ræða. Hér er komið kjörið efni fyrir kennara sem hafa að viðfangsefni nútímasögu og hvet ég þá eindregið til að nýta sér það í kennslu, eða segir mynd ekki meira en 1000 orð?
Að lokum bendi ég á fleira áhugavert efni um stjörnuskoðun og tunglferðir
- Ágætis upplýsingar um Apollóferðirnar má finna hér
- Hér má finna upplýsingar um geimferðir á Vísindavefnum
- Söguatlas á vefnum stjornuskodun.is
- Fróðleikur um tunglið á vefnum stjornuskodun.is
- Tunglið á Google maps (bara snilld)
Technorati Tags: google video, google, apollo 11
