Már Örlygsson benti mér nýlega á frábæran vef þar sem finna má fjölda vandaðra hermiforrita til að nota í eðlisfræði. Forritin eru lítil að umfangi og hægt er að vinna með þau í gegnum vefskoðara eða sækja og setja upp á eigin tölvu eða tölvum án endurgjalds. Forritin eru flest skrifuð í java en nokkur þeirra eru á flash sniði. Leiðbeiningar fylgja með notkun þeirra.
Hermiforrit bjóða upp á fjölmarga spennandi möguleika í námi og kennslu og má finna mikinn fjölda slíkra forrita á Netinu með lítill fyrirhöfn. Því miður er lítið um íslenskar útgáfur. Kannski einhver bót verði á því í náinni framtíð?
Hér eru fleiri hermiforrit í java. Allar ábendingar um sniðug hermiforrit sem henta vel í kennslu eru vel þegnar.
Technorati Tags: simulations, applets, flash
