Skólaskrifstofa Hafnarfjarðar stendur fyrir fræðslufundi um námsstjórnunarkerfið Moodle. S. Fjalar Jónsson kynnir möguleika kerfisins sem er bæði ,,frítt og opið”. Fundurinn er öllum opinn og þátttaka er ókeypis en nauðsynlegt er að skrá sig.

Fræðslufundurinn er hjá Skólaskrifstofu Hafnarfjarðar, Strandgötu 31 (3. hæð), mánudaginn 27. mars frá kl. 14.30 – 16.00.

Sigurður Fjalar Jónsson er kennari við FJölbrautaskólann í Breiðholti og starfsmaður hjá hugbúnaðarfyriritækinu Hug sem m.a. rekur Menntagátt. Hann hefur reynslu af innleiðingu og notkun Moodle í kennslu við Fjölbrautaskólann í Breiðholti og Kennaraháskóla Íslands. Moodle byggir á hugmyndafræði hugsmíðahyggju (constructivism) og er einstaklega aðgengilegt og einfalt í notkun fyrir bæði nemendur og kennara.

Fundurinn er sérstaklega hugsaður fyrir tölvukennara, tölvuumsjónarmenn skóla, kennara sem hafa áhuga á nýtingu upplýsingatækninnar í skólastarfi og skólastjórnendur. Aðrir áhugasamir eru að sjálfsögðu velkomnir. Skráning á fundinn fer fram í síma 585 5800 og í tölvupósti (skolaskr@hafnarfjordur.is) til mánudagsins 27. mars (hádegi).

Ef þátttaka verður meiri en ráðgert er, verður að færa fræðslufundinn. Þá verða allir þeir sem hafa skráð sig látnir vita í tölvupósti.

Technorati Tags: Moodle