Paint.net og Artweaver í nýjum útgáfum
Teikniforritin Paint.net og Artweaver, sem ég hef áður fjallað um á þessum vef, hafa bæði verið gefin út í nýjum útgáfum. Paint.net er komið út í útgáfu 3.0 (reyndar ekki endanleg) og Artweaver hefur verið uppfært í útgáfu 0.42.
- Paint.net er hefðbundið myndvinnsluforrit sem inniheldur flestar algengustu skipanir sem finna má í Photoshop, einum þeim öflugasta myndvinnsluhugbúnað sem skapaður hefur verið.
- Artweaver nálgast viðfangsefnið hins vegar frá öðrum sjónarhóli og inniheldur verkfæri sem herma eftir algengum tólum og tækjum listamanna.
Paint.net og Artweaver eiga það hins vegar sameiginlegt að bæði eru þau ókeypis.
