sfjalar

Á ráðstefnunni “Aðgengi að netinu: Hvar erum við stödd”, sem haldin var þann 14. nóv. síðastliðinn, kynnti Hugsmiðjan nýja þjónustu sem nefnist Stillingar.is.

Stillingar.is er vefþjónusta fyrir eigendur vefsvæða sem vilja koma til móts við þarfir fólks sem á erfitt með að lesa, t.d. vegna lesblindu, sjóntruflana eða sjónskerðingar, og þarf að geta valið lita- og letursamsetningu sem hentar þeim.

Þjónustan virkar á þann hátt að netverjar setja saman þær stillingar sem henta þeim persónulega, s.s. hvaða samsetningu leturgerðar, texta, og bakgrunnslita eða línubils þeir kjósa. Vefsvæði sem nýta sér þjónustu Stillingar.is sækja svo þessar upplýsingar með sjálfvirkum hætti úr miðlægum grunni Stillingar.is. Hver vefnotandi þar því einungis að velja sína liti og leturgerðir einu sinni.

Hugsmiðjan er án ef það fyrirtæki sem lagt hefur hvað mesta áherslu á aðgengi sem flestra að þeim vefjum sem fyrirtækið hefur komið að. Hugsmiðjan á heiður skilið fyrir þetta frábæra framtak, en þess má geta að þjónustan er ókeypis fyrir vefi í eigu einstaklinga, einyrkja, góðgerðarsamtaka eða smærri félagasamtaka. Hinn almenni vefnotandi greiðir ekkert fyrir þjónustuna.

Það verður spennandi að kynna sér Stillingar.is nánar en fyrstu kynni lofa mjög góðu. Frekari upplýsingar um Stillingar.is má finna á vef Más Örlygssonar.