sfjalar

Það er ekki mikið um hátíðarhöld en Microsoft Powerpoint hugbúnaðurinn heldur upp á 20 ára afmæli sitt um þessar mundir. Það er heldur ekki á almanna vitorði að Microsoft var þróað af tveimur mönnum, þeim Robert Gaskins og Dennis Austin. Fyrsta útgáfan kom út árið 1987 fyrir Macintosh. Microsoft keypti svo Forethought fyrirtækið sem var á bak við hugbúnaðinn síðar það sama ár. Fyrsta Windows útgáfan af Powerpoint kom ekki út fyrr en þremur árum síðar, árið 1990.
Powerpoint hefur löngum verið gagnrýnt fyrir að einfalda og staðla svo framsetningu efnis og upplýsinga að innihaldið hverfi oft í litríkri umgjörðinni. Ég ætla ekki að hafa fleiri orð um það hér og nú en bendi á nokkra ágæta vefi sem hafa að geyma vönduð Powerpoint sniðmát sem hægt er að sækja án endurgjalds.