Comic Life er magnaður hugbúnaður sem ég hef lengi haft augastað á en með honum er hægt að setja saman hvers kyns myndaseríur og skapa teiknimyndasögur, leiðbeiningar eða myndrænar frásagnir af hverju sem er. Fram til þessa hefur Comic Life einungis verið til fyrir Apple tölvur en nú hefur Windows útgáfa litið dagsins ljós og lofar sannarlega góðu.

Helsti kostur Comic Life umfram sambærileg forrit (þau eru nokkur til) felst í einfaldleikanum og notendaviðmótinu. Það er ótrúlega einfalt að vinna í Comic Life enda er ég viss um að þessi hugbúnaður hentar vel bæði í leik- og grunnskólum. Comic Life er einnig ódýr hugbúnaður og t.a.m. kostar Mackintosh útgáfan einungis $24.95 eða um það bil 1500 kr. íslenskar á gengi dagsins í dag.

Comic Life er enn í betaútgáfu (beta 2) og má því fastlega búast við að endanleg útgáfa komi á markaðinn síðar á þessu ári. Hægt er að sækja sér Windows útgáfuna á vef Plasq, en athugið að hún rennur út 1. september 2007. Áhugasamir geta svo kynnt sér efni unnið með ComicLife sem er til sýnis á Flickr. Ég er ennþá að leika mér með þetta forrit og á örugglega eftir að skrifa meira um það síðar.