sfjalar

Harpa Hreinsdóttir hefur skrifað nokkrar beinskeyttar færslur á blogg sitt þar sem hún fer hörðum og háðuglegum orðum um fjarkennslu og þá skóla sem bjóða upp á nám með slíku fyrirkomulagi. Greinarnar eru: Fjarkennsla og afkastageta, Uppgrip í fjarkennslu, Frumkvöðull í fjarkennslu; VMA, Fortíð, hugsjónir og fjarkennsla.

Vörður vísa veginn. Ráðstefna 3F um upplýsingatækni og menntun – 2. nóvember í Verslunarskóla Íslands.

VectorMagic er netbundin þjónusta sem gerir öllum sem þess þurfa kleift að breyta á einfaldan og fljótlegan hátt bitmap myndum, s.s. lógóum eða ljósmyndum, yfir í vektora.

Clicker hugbúnaðurinn er einn fjölmargra stafrænna verkfæra sem við kennarar á Starfsbraut Fjölbrautaskólans í Breiðholti notum daglega með nemendum okkar. Clicker er öflugur hugbúnaður til framsetningar, nýsköpunar eða aðlögunar gagnvirkra verkefna sem geta innihaldið texta, myndir, tóna og tal. “Hvernig er veðrið” er ágætt sýnishorn af vel heppnuðu Clicker verkefni.

Talgervillinn Ragga hefur kveðið sér hljóðs en eftir langa þróunarvinnu er hugbúnaðurinn loksins kominn út í nokkuð endanlegri útgáfu. Ragga getur auðveldlega lesið íslenskan texta beint af skjá en einnig er hægt að tengja hana einstaka vefjum eða setja upp á tölvur einstaklinga.

Information R/evolution. Nýtt, magnað myndskeið frá Michael Wesh, höfundi Web 2.0 The Machine is Us/ing Us. Algjör perla.

Stórsniðugt yfirlit yfir menntablogg.

Á sérstökum barnahluta vefs National Gallery of Art listasafninu í Washington má finna fjölda einfaldra en mjög skemmtilegra og skapandi teikniforrita sem öll eiga það sameiginlegt að tengjast viðfangsefni safnsins á einn eða annan hátt. Forritin eru netbundin og keyrð í gegnum vefskoðara.

Vantar þig útprentað heimskort í lit sem þú getur lagað að eigin þörfum? Skoðaðu þá þennan vef.

Fræðimaðurinn, kennarinn og bloggarinn David Warlick veltir fyrir sér ástæðum þess að kennarar virðast svo hikandi við að tileinka sér tækninýjungar í færslu sem hann nefnir “Teachers & Technology – a rant!”.
Í greininni veltir Warlick fyrir sér spurningu sem ég hef sjálfur oft velt fyrir mér og tengist þeirri staðreynd að kennarar hafa ótrúlegt [...]