sfjalar

Eins og sjá má á vef Starfsbrautar Fjölbrautaskólans í Breiðholti birtum við myndir úr skólastarfinu og viðburðum sem því tengjast á Netinu. Myndirnar hýsum við á Flickr netsamfélaginu og vörpum yfir á starfsbrautarvefinn sem knúinn er af Wordpress kerfinu.

Kosturinn við að hýsa myndir á Flickr eru fjölmargir. Í fyrsta lagi er öll umsýsla mynda á Flickr mjög einföld og allir kennarar deildarinnar geta sent inn myndir og sýslað með þær. Umsýsla felur t.a.m. í sér að gefa myndunum nafn og skrá texta og lykilorð (tags) við þær. Einnig er hægt að flokka myndirnar, t.d. eftir viðburðum og búa til smærri söfn. Söfn má skoða sem gagnvirkar myndasýningar og kemur sá kostur sér vel í kennslu þegar myndunum er varpað á tjald eða töflu með aðstoð skjávarpa. Flickr inniheldur því miður enga einfalda leið til þess að varpa þess háttar gagnvirkum sýningum yfir á aðra vefi á sama hátt og hægt er að varpa myndskeiðum af YouTube eða sambærilegum vefjum. Söfnum má hins vegar varpa á aðra vefi með því að nýta þjónustur sem utanaðkomandi aðilar hafa skrifað og gert aðgengilegar á Netinu. Hér varða þrjár slíkar þjónustur kannaðar.

Þrjár einfaldar leiðir til að varpa Flickr myndasýningum á vef

Slideflickr
Slideflickr býður upp á mjög einfalda leið til þess að birta Flickr myndasýningar á hvaða vef sem er. Einungis þarf að gefa upp Flickr notandanafn, nafn á flokk (group) eða slóðina að safni (set) og afrita kóða sem þjónustan býr til ekki ósvipað og þegar myndskeiðum af YouTube og sambærilegum vefjum er birt.

FlickrSlidr
FlickrSLIDR svipar mjög til Slideflickr Hægt er að gefa upp slóða að notanda, safni eða flokk, en auk þess einstaka tögum. Þá er einfalt að ákvarða breidd og hæð glærusýningar sem getur komið sér vel. Glærusýningunni er varpað yfir á hvaða vef sem er með því að afrita kóða sem þjónustan býr til.

Created with Admarket’s flickrSLiDR.

PictoBrowser
Ólíkt tveimur fyrrgreindum lausnum þá er PictoBrowser notandaviðmótið er í flash. Eftir að smellt hefur verið á “Click here” hnappinn er gefið upp Flickr notandafn og svo valið hvort birta á myndir úr söfnum (set), myndir sem hafa ákveðið tag (tags) eða myndir úr ákveðnum Flickr hóp (group). Þegar valið hefur verið framkvæmt birtist kóði sem afritaður er á viðkomandi vefinn þar sem birta skal myndasýninguna.

Það er einnig gaman að geta þess að yfir 2 billjónir mynda eru nú hýstar á Flickr. Hér má sjá mynd nr. 2.000.000.000.