MIT gefur út nýja ritröð um ungt fólk og stafræna miðla
MIT kynnti fyrir nokkrum dögum nýja ritröð þar sem rannsökuð eru áhrif stafrænna miðla á nám, afþreyingu og samskiptahætti ungs fólks. Sökum rausnarlegs fjárhagsstuðnings frá MacArthur stofnuninni eru öll ritin aðgengileg endurgjaldlaust á vefnum á pdf og html sniði.
Ég hef verið að lesa grein og grein í þessari ritröð sem nefnist “John D. Catherine T. MacArthur Foundation Series on Digital Media and Learning” og get ekki annað séð en að um vandað og áhugavert efni sé að ræða. Höfundar eru fjölmargir fræðimenn á sínu sviði og viðfangsefnin fjölbreytt enda fjallað um allt frá leikjum til lífsviðhorfa.
Það er ekki á hverjum degi sem háskólaútgáfa á borð við MIT dreifir verkum þennan hátt og hvet ég því alla sem áhuga hafa á viðfangsefninu að kynna sér málið.
Hér er fréttatilkynning MIT í heild sinni (pdf skjal).
