sfjalar

Niðurstöður árlegrar könnunar á vegum “The American Association of Community College’s Instructional Technology Council (ITC)” gefa til kynna stóraukna markaðshlutdeild Moodle námsumhverfisins meðal héraðsháskóla (Community College) meðan vinsældir Blackboard fara þverrandi á þeim bæjum.

Harpa Hreinsdóttir bloggar um fyrirlesturinn minn í KHÍ og hefur sjálf ýmislegt við PowerPoint að athuga.

Photoshop er loksins komið út í vefútgáfu sem reyndar á afar lítið sameiginlegt með samnefnara sínum. Vel þess virði að kynna sér engu að síður.

Ég var með erindi á sameiginlegum starfsdegi starfsbrauta framhaldsskólanna sem haldinn var í Menntaskólanum í Kópavogi í dag. Í erindinu fjallaði ég um hefðbundna kennsluhætti og námsefni og mögulegar leiðir til þess að vinna á skapandi og um leið skemmtilegan hátt með kennslu- og vinnubækur.

Á Menntagátt er í gangi könnun þar sem spurt er um notkun og viðhorf til vefins. Ég hvet alla sem hafa nýtt sér Menntagátt að gefa sér nokkrar mínútur og svara 8 einföldum spurningum.

Hlynur Helgason skrifar kjarnyrt ákall til yfirvalda um höfundarrétt og hagsmuni listamanna. Líkurnar á því að það nái eyrum og athygli alþingis eru því miður litlar en þetta er góð lesning engu að síður.

Fyrir þá sem þekkja mig vel þá kemur þar varla mikið á óvart þegar ég viðurkenni að bókmenntir eru og hafa löngum verið meðal minna helstu áhugamála. Hitt vita væntanlega færri að ég hef um nokkurt skeið verið virkur meðlimur í BookMooch netbókaklúbbnum. Ég hef nánast ekkert nema gott um þá reynslu að segja.

Líkt [...]

Nú er ég að lesa Wikiworld, nýútkomna bók um þátttökumenningu (participating culture), nám og kennslu. Wikiworld er aðgengileg endurgjaldslaust á pdf sniði.

Mæli með því að þið lesið grein Unnar Maríu Bergsveinsdóttur um kenningar Henry Jenkins og aðdáendamenningu á vefritinu Hugsandi.