sfjalar

Hvort það telst kostur eða galli verða aðrir að meta. Í það minnsta ættu Microsoft Office 2003 notendur ekki að eiga í umtalsverðum vandræðum með að skipta yfir í Open Office hafi þeir áhuga á slíku.

 

• Start Center
  Einfaldar aðgang að hugbúnaðinum.
• Getur lesið Office 2007 skrár (en ekki vistað á því sniði)
  Vert er að benda á að hægt er að sækja viðbót við Microsoft Office sem gerir Microsoft Office notendum kleift að vista skjöl á ODF sniði, sem er skráarsnið Open Office.
• Hægt að sjá fleiri en eina blaðsíðu í viðbót í Writer og þysja (e. zoom) að og frá í anda Office 2007
• Athugasemdir birtast nú á spássíu hægra megin líkt og í Microsoft Office.
• Aukinn hraði
• Ný teikn (icons)

Ég hef orðið var við greinilegan áhuga á Open Office 3 í íslenska skólakerfinu enda hvað eiginleika varðar þá er hugbúnaðurinn klárlega raunhæfur valkostur við Microsoft Office. Staðreyndin er hins vegar sú að Microsoft hugbúnaður er rótgróinn og nánast ríkisstyrktur hér á landi og því varla hægt að gera sér í hugarlund umfangsmiklar breytingar þar á.

Þökk sé Microsoft hefur þróun staðlamála á þessum vettvangi einnig gert að litlu þann fjarlæga draum að hugbúnaður eins og Microsoft Office og Open Office gætu leitt saman hesta sína á einhverskonar jafnréttisgrundvelli. Á ég þá helst við innleiðingu á samhæfðu skráarsniði sem tryggði að skrár unnar í einum hugbúnaðinum mætti opna og vinna í hinum. Það má því segja að hernaðartækni Microsoft hvað varðar ISO stöðlun á OOXML hafi gengið fullkomlega upp. Því miður.

Hitt er annað mál að útgáfa Open Office 3 sannar enn og aftur að skriðþungi opins og frjáls hugbúnaðar er mikill og hann er að magnast ef eitthvað er.

Ég vil einnig benda á mikilvægi þess í kennslu að kynna fyrir nemendum (og kennurum) aðra valkosti við ritun en staðværan hugbúnað, s.s. netlægar lausnir eins og Google Docs eða Wiki vefi. Þróunin á þeim bænum er ekki síður hröð og spennandi og að margra mati liggur framtíðin einmitt í netlægum lausnum.