En varðandi vandað námsefni sem Fjalar minnist á hér ofar vil ég segja þetta. Í sjálfu sér þarf ekkert öðru vísi námsefni í skólastarfi fyrir OpenOffice en MSOffice. Vandinn er hins vegar sá að það er talsverður kostnaður er við að skipta (fyrst og fremst kennsluútgáfu- og endurmenntunarkostnaður) sem fylgir því að skipta úr MSOffice í OpenOffice þótt munur forritanna sé ekki mikill og virknin sú sama. Hins vegar hefur íslenskt skólakerfi “læst” sig við MSOffice og veigrar sig því að breyta þess vegna þó að OpenOffice sé hagkvæmara fyrir skólastarf af ýmsum ástæðum. Því fyrr sem farið er úr MSOffice í OpenOffice í íslenska skólakerfinu því betra, þ.e. því lengur sem umskiptin dragast því erfiðari verða þau. Þegar er komið í OpenOffice innbyggt bæði stafsetningarleiðréttingarforrit og orðskiptiforrit fyrir íslensku (sjá: http://extensions.services.openoffice.org/dictionary). Þá sýnist mér stutt í að OpenOffice umhverfið verði á íslensku en þýðing þess er langt komin (sjá: http://www.openoffice.is/wiki/index.php5/%C3%8Dslenskun_OpenOffice.org).

MA er að fara sömu leið og VMA í að innleiða linux.

Ég er sammála því að OpenOffice hefur upp á svipað að bjóða og Microsoft Office hvað varðar ritvinnslu þótt ákveðinn munur sé á ákveðnum aðgerðum í forritunum Writer 3 og Word 2007, sérstaklega hvað varðar töfluvinnslu og myndvinnslu. Þá hefur aðgengileiki milli forritanna breikkað með Office 2007 þar sem Writer 3 er líkari Word 2003 en Word 2007 en það hefur ekkert með möguleika forritanna að gera. Þá væri spennandi að vita hvort þýðing á OpenOffice sé í gangi á Íslandi en ég heyrt því orðróm um slíkt. Kannast einhver við það?