Comments on: iPad fær blendnar viðtökur

By: Kári Harðarson

Kári Harðarson — Wed, 03 Feb 2010 10:43:41 +0000

Mér skilst að tækið sé eins og iPhone og iPod að því leyti, að öll forrit verða að hafa verið keypt og samþykkt á iTunes. Það sé ekki hægt að taka hvaða forrit sem ætlar er á Macintosh tölvu og keyra það á iPod.

Ef svo er líst mér lítið á gripinn – mér hugnast ekki tilraunir Steve Jobs til að læsa kaupendur inni. Lágt verð er væntanlega tilkomið vegna þess að það á að einoka allar sölur eftir það.

By: Carlos

Carlos — Sat, 30 Jan 2010 23:03:14 +0000

Spjaldtölva hljómar betur en töflutölva. Hitt sem þú nefnir verður tíminn að leiða í ljós, hugsa ég.

By: sfjalar

sfjalar — Sat, 30 Jan 2010 16:05:11 +0000

Ég held að tækið yrði alveg jafn meðfærilegt þrátt fyrir rauf fyrir SD kort og einhverja sjónvarpstengingu. USB hefur ýmsa kosti umfram bæði WiFi og Bluetooth, t.d. einfaldleika og jafnvel hraða þegar kemur að því að færa stórar skrár á milli. Myndavélin gagnast við meira en spjall og ég er alveg viss um að það verður bætt úr myndavélaskortinum fyrr en seinna.

En hvað getum við svo kallað svona grip? Er þetta spjaldtölva?

By: Carlos

Carlos — Sat, 30 Jan 2010 15:05:39 +0000

Ég hef verið að velta þessum veikleikum fyrir mér. Ég ætla að leyfa mér að fækka þeim.

1. SD kortin og tenging við stafrænar myndavélar eru í kví, en ekki á tækinu sjálfu, eins og þú bendir á. Með því er tækið meðfærilegra.

2. Ekkert USB tengi á tækinu þarf ekki að vera galli, þar sem bæði Bluetooth og WiFi er innbyggt. USB tengi eru á öllum borð og fartölvum, en þetta tæki er ekki ætlað að koma í stað þeirra.

3. Engin myndavél er ekki galli nema vegna myndaspjalls.

4. Í stað sjónvarpstengis er tenging við VGA á dock, þannig að hægt er að tengja tækið við skjávarpa. Það ætti að vera nóg, því að eigi maður kvikmyndir af iTunes, þá á maður væntanlega líka tölvu sem getur spilað þær og hana er hægt að tengja við sjónvarp.

Annað af þessum lista getur talist til galla, miðað við notkunarþarfir notandans. Ég held að skortur á fjölvinnslu geti vegið þar þyngst, einnig skortur á stuðningi við fleiri tungumál s.s. íslensku.

Það er rétt að benda á það, að töflutölvur sem eru á markaðinum og hafa allt það sem hér er talið til galla, eru yfirleitt 3 – 5 sinnum dýrari en iPad mun vera.