Hér á eftir fer listi yfir hugbúnað og þjónustur sem ég nýti mér frá degi til dags. Þetta er engan veginn tæmandi listi en að öllum líkindum flest þau forrit sem ég nota oftast.
- Google Chrome til að vafra um vefinn.
Chrome er stílhreinn, hraður og öruggur vefskoðari sem ég mæli eindregið með. - Camtasa Studio til að setja saman skjákynningar og kennsluefni.
Það er ýmislegt sem má betur fara í Camtasia en forritið er engu að síður. Útgáfa 7 er væntanleg. - Gmail til þess að lesa og svara tölvupósti
Vafalítið langbesti tölvupósturinn sem völ er á. - Google Reader til að fylgjast með bloggum og fréttavefjum
Ómissandi verkfæri til að fylgjast með uppfærslum á vefjum. - Seesmic til að tísta á Twitter.
Ég nýti mér yfirleitt vefútgáfuna enda forðast ég að setja upp hugbúnað þegar ég get nýtt mér jafn góðar veflausnir. - Photoshop og Illustrator til myndvinnslu
Ýmsar opnar lausnir og veflægar til staðar en ekkert sem jafnast á við risana á markaðinum. - Adobe Indesign til umbrots
Fyrst og fremst við markaðsstörf fyrir HugAx. - Microsoft Word við alla umfangsmeiri ritvinnslu og stundum við námsefnisgerð.
Það verður að segjast eins og er að Microsoft Word er besta ritvinnslan sem völ er á þrátt fyrir mjög frambærilegar opnar lausnir. Á ég þá helst við OpenOffice sem ég nota einnig í nokkrum mæli. Ég mun örugglega skipta alfarið yfir í OpenOffice þegar notendaviðmótið hefur verið endurbætt í anda Office 2007. - Microsoft Office og Google Docs fyrir ritvinnslu, töflureikning og framsetningu.
Ég nota Google Docs við flest smærri skrif og notkunin fer mjög vaxandi. - Snagit til að taka og sýsla með skjámyndir.
Það er ótrúlega mikið til af lausnum á þessum vettvangi en ég held að Snagit beri höfuð og herðar yfir keppinautana. - Flickr til að hýsa ljósmyndirnar mínar.Hef einnig notast við veflausn Picasa sem hefur batnað mjög með hverri uppfærslu. Jafnast samt engan vegni á við Flickr enn sem komið er.
- Audacity fyrir hljóðvinnslu.
Frábært open source forrit sem fullnægir algjörlega mínum kröfum. - Filezilla
Líklegast eitt besta FTP forritið á markaðinum og auk þess opinn hugbúnaður. - Calibre til að halda utan um rafbókasafnið.
Frábær lausn og fullkomlega opin. - Notepad ++ þegar ég þarf á textaritli að halda.
Opinn og vandaður ritill með fjölda viðbóta. - iTunes til að halda utan um tónlistarsafnið.
Væri alveg til í að skipta yfir í eitthvað annað en þarf að geta átt samskipti við ipod og vonandi ipad í náinni framtíð. - Dropbox til að hýsa skrár á Netinu.
Ég varð ótrúlega fljótt mjög háður þessari þjónustu. Látið reyna og þið munuð sannfærast. - MindManager og Mindmeister til að vinna með hugarkort.
MindManager er klárlega leiðandi á þessu sviði en Mindmeister er engu að síður ansi hentugur valkostur. Sérstaklega þegar fleiri en einn eru að vinna í sama hugarkortinu. - Issuu til að hýsa og miðla skjölum.
Ég verð sífellt hrifnari af svona netbundnum hýsingarlausnum hvort sem þær eru hugsaðar fyrir ljósmyndir, skjöl eða annað efni.
Hvað með ykkur lesendur góðir. Það væri gaman að sjá hvernig ykkar listi lítur út. Ætli við séum öll meira og minna föst í sama hugbúnaðinum?
Takk f. listann, til að bæta við mætti nefna Portableapps forritin (á usb), til dæmis Keypass f. lykilorð, svo má nefna Vegas frá Sony til að klippa myndir, mjög stabilt forrit sem renderar vel. Microsoft Media Expression til að halda utanum myndasöfn, hef ekki fundið neitt open-source sem gerir það sama. Mæli með Total Commander fyrir skráasýsl.
Sæll,
ágætt að sjá hvað aðrir eru að nota.
Varla notarðu Flickr (eða aðra vefþjónustu) einvörðungu til að halda utan um (sístækkandi) myndasöfn ?
IrfanView er líka í dálitlu uppáhaldi (aðallega afþví Irfan Skiljan er svo næs gæi).
Sjálfur nota ég DigiKam, sem er meira í ætt við Lightroom, ansi fjölhæft og gott í utanumhald og uppmerkingu mynda (tagging), sem er aðalmálið í dag
Ég þarf að hryggja þig með að OpenOffice mun væntanlega ekki fara yfir í viðmót í líkingu við MSO2007 (hef heyrt að MSOffice muni líka breyta um stíl), það virðast vera fleiri sem eru á móti því útliti en þeir sem eru ánægðir. Altsvo, stefnan hjá OOo viðmótshönnuðum er samt sett á gagnvirkar áhaldastikur og ennþá meiri “samhengisvirkni”; þ.e.a.s. þau verkfæri birtast sem eru í samhengi við það sem hægt er að gera miðað við það sem er valið hverju sinni (eða hvar maður er staddur í ferli).
Stóra myndin sýnist mér snúast um fleiri svið, “Semantic Desktop” og “Semantic Web” eru tengd ýmsum af þessum væntanlegu breytingum, meðal annars til að allt þetta noti svipaða staðla/aðferðir og sé hugsanlega samverkandi.
Það er (eins og vera ber í opnum hugbúnaði) lítið mál að taka þátt í þessum breytingum, þó ekki væri nema til að segja álit sitt. Verkefnið er kallað “Renaissance” og er hýst hér:
http://wiki.services.openoffice.org/wiki/Renaissance
Áhugaverðast er að maður getur stundum fengið að prófa ýmis uppköst (mockup), stundum all galin og hrá, en oft með sniðugum nýstárlegum hugmyndum. Sjá hér:
http://wiki.services.openoffice.org/wiki/Renaissance:Prototyping
http://tools.services.openoffice.org/impressprototype/impressprototype.jnlp
Einhversstaðar þarna ætti að vera póstlisti/spjallsvæði/athugasemdavefur til að láta álit sitt í ljós, um að gera að hafa áhrif ef manni er boðið upp á það…
Bkv,
Sveinn
Takk fyrir góðar athugasemdir Sveinn. Einhverra hluta vegna lenti þessi póstur frá þér í spam vörninni hjá WordPress. Var að skoða fyrir tilviljun og lagaði að sjálfsögðu hið snarasta.
Spennandi þessar viðmótspælingar í Renaissance verkefninu. Hef ekki mikið skoðað Office 2010 en er það ekki í svipuðum stíl og 2007?
Þú gleymdir að svara spurningunni minni, bullið í mér hefur afvegaleitt þig
Varðandi viðmót MSO; þessi fíni ‘borði’ er svosem áhugaverð hugmynd en útfærslan sem boðið var uppá étur allt of mikið skjápláss (screen estate), hugsaðu þér að nota þetta á 7″ EEE netbók ? Eða á spjaldtölvum (tablet) þar sem fersentímeterinn er álíka dýr og hjá Kjarval.
Svo er víst töluvert mikill munur eftir notendahópum hversu ‘pródúktíft’ þetta MSO umhverfi er; fyrirtæki hafa kvartað yfir lækkun á framleiðnistigi hjá þeim sem við getum kallað ‘nokkuð vanir tölvunotendur’. Veit ekki hvernig sá hópur stendur sig í heimilisumhverfi, það er ekki endilega sambærilegt.
Hópurinn ‘algjörir byrjendur’ er yfirleitt óskrifað blað og tekur bara við því sem að þeim er rétt og þeim er kennt (ekkert að pæla í því að hlutirnir geti verið eitthvað öðruvísi), sérstaklega í fyrirtækjaumhverfi.
Síðan skilst mér að hópurinn ‘vanir notendur’ hafi átt frekar auðvelt með að ‘kaupa’ borðann og geti ekki án hans verið.
Svo eru það ‘sérfræðingarnir’; þeir skiptast víst í tvo póla (og allskyns millistig), þeir sem virkilega nýta sér þetta gagnvirka viðmót og svo hina sem hata það út af lífinu. Þessi hópur er líka á því stigi að nýta sér frekar önnur verkfæri ef það hentar, t.d. Gnumeric frekar en Excel/Calc og alvöru gagnagrunna með vefviðmóti frekar en Access/Base.
Það má ekki gleyma því að eina ástæðan fyrir að nota svona skrifstofuvöndla eru ákveðin þægindi og síðan samvirknin milli forritanna; sé maður ekki að nota samvirknina þá ætti maður að forðast þessa ‘bloatware’ vöndla eins og pestina – ekki satt?
Það er margt áhugavert að gerast í UI-viðmótshönnun, hvort heldur í tölvugeiranum eða á öðrum sviðum. Ég gúggla oftast eitthvað á borð við:
[ui interface design function rule Office "Fitts's Law"]
Annars er þessi dálítið skemmtilegur:
bkv,
Sv1
http://www.codinghorror.com/blog/2010/03/the-opposite-of-fitts-law.html
Flickr er fyrst og fremst félagslegur vettvangur fyrir myndirnar mínar. Ég gef einnig aðgang að fjölmörgum myndum hjá mér og nota til þess Creative Commons. Það er sniðugt að koma slíkum verkum á framfæri á Flickr.