Hver sem áhuga hefur getur sett saman safn til að vinna með í Pivot, en þau verða að vera á þar til gerðu sniði. Söfn geta verið einföld, tengd eða síbreytileg (e. dynamic) en hin síðastnefndu er víst hvað erfiðast að búa til. Microsoft hefur einfaldað vinnuna við safnagerð með því að smíða sérstaka viðbót við Excel. Hér er svo annað forrit sem á að einfalda smíði á Pivot söfnum. Ég á enn eftir að prufa að setja saman mitt eigið safn og finn vonandi tíma til þess í allra nánustu framtíð. Eitt er víst að Pivot er forrit sem ég mun kynna fyrir nemendum mínum fljótlega.

Microsoft Pivot má sækja endurgjaldslaust á vefnum getpivot.com.

Teningar

Smellt er einhversstaðar á skjáinn til þess að kasta teningunum. Tvær aðrar útgáfur til þar sem á hliðarnar á teningunum (teningnum í öðru tilfellinu) eru rituð spurnarorð ekki tölur. Gæti komið sér vel í enskukennslu. Hægt er að smella á myndina til að prufukeyra venjulegu útgáfuna. Hér er svo síðan sem inniheldur allar útgáfurnar og frekari upplýsingar um þær.

Stigatafla

Hér er einföld en sniðug stigatafla þar sem hægt er að telja stig fyrir allt að sex lið (eða sex nemendur). Kjörin að nota með skjávarpa t.d. þegar sett er upp spurningakeppni í kennslustofunni. Hægt að velja liti á ramman utan um stigin (smellt á augun) og skrá nöfn undir tölurnar. Talningin fer þannig fram að smellt er á annað hvort mínusinn eða plúsinn í viðkomandi ramma. Hér er hægt að keyra forritið og lesa frekari upplýsingar um það.

LinkUp

Linkup er stórsniðugt verkefni þar sem nemendu tengja einstök orð við flokka með því draga línur úr flokkunum neðst á skjánum yfir í orðin. Kennarar geta vistað verkefni sem þeir búa til í þessu forriti. Hér er sjálft forritið aðgengilegt og frekari upplýsingar um það.

Einföld reiknivél

Reiknivélin býður upp á algengustu reikniaðgerðir og hentar vel til nota á skjávarpa, t.d. þegar verið er að kenna notkun á vasareiknum. Hér er síðan á vef Triptico með forritinu og öllum upplýsingum.

Hér má svo finna greinargott yfirlit yfir allt vefefnið sem Triptico fyrirtækið hefur gert aðgengilegt á Netinu.

Á Stormpulse er hægt að fylgjast með fellibyljum allt frá myndun þeirra á úthafinu þangað til þeir lognast útaf, vonandi sem lengst frá mannabyggðum. Á myndinni hér að neðan má t.a.m. sjá slóð Ike sem olli miklu tjóni og mannskaða fyrir ekki svo löngu.

Hér fyrir neðan má svo sjá hvar hinn ógnarsterki fellibylur Katrín varð til og ferð hans yfir Mexíkóflóa að New Orleans sem hann lagði svo í rúst þann 29. ágúst 2005.  Takið eftir því að á þessari mynd sést einnig skýjafarið, en það er einn val valkostunum í Stormpulse.

Hér eru svo nokkrir áhugaverðir vefir þar sem fræðast má frekar um fellibylji:

• Um fellibylji á Vísindavefnum
• Af hverju er fellibyljum gefið nöfn? (Vísindavefurinn)
• Fellibyljir á Wikipedia (ísl.)
• Um fellibylji í Lesbók Morgunblaðsins (þarfnast DjVu lesara)

Notendaviðmót WorldWide Telescope er aðgengilegt og forritið er einfalt í notkun þó vissulega sé ekki alveg eins auðvelt að flakka um endaleysur himingeimsins og jörðina í Google Earth. Kemur það fyrst og fremst til vegna þess hve geimurinn er ókennilegur, í það minnsta fyrir mér. Væntanlega munu ýmsir kunna mun betri skil á þessum slóðum.

Markmiðið með smíði WWT er tvíþætt samkvæmt Microsoft:

• Í fyrsta lagi að safna saman gögnum frá helstu sjónaukum og stofnunum og gera aðgengilegar á samþættan hátt á Netinu.
• Í öðru lagi að endurvekja áhuga yngri kynslóðarinnar á vísindum með aðstoð stjörnufræðinnar og gera aðgengilegt öflugt verkfæri til uppgötvunar og kennslu.

WorldWide Telescope er hægt að sækja án endurgjalds á Netið. Sækið, skoðið og sannfærist.

Verkefnin og þrautirnar eru nokkuð hefðbundnar og eiga sér allar samsvörun í hefðbundum pappírsverkefnum, s.s. að setja orð á myndir eða leysa einfalda orðaleiki. Það sem skilur á milli stafræns námsefnis og pappírsvinnu hefðbundinnar er hins vegar endurgjöfin sem er svo mikilvæg við þjálfun eða verkefnavinnu sem þessa.

Námsmarkmið enskuleiksins eru í samræmi við aðalnámskrá grunnskóla í ensku og er hann unninn með hliðsjón af þeim. Samkvæmt upplýsingum á vef leiksins á það að taka nemanda um 4 – 5 klst að fara í gegnum leikinn í heild sinni. Leikurinn er unnin í forsjá og að frumkvæði Birnu Arnbjörnsdóttur við enskudeild Háskóla Íslands. Gerð hans var m.a. styrkt af menntamálaráðuneytinu.

Enskuleikurinn er Forritaður í Flash og er vandað til allra verka. Hljóð og grafík eru til fyrirmyndar og notendaviðmótið augljóst og einfald í notkun.

Leikurinn boðar vissulega enga byltingu í námsefnisgerð en er engu að síður virðingarvert framtak og þá sérstaklega tengingin við markmið í námskrá. Ég hef reynt hann í kennslu á starfsbraut FB og voru viðtökur nemenda góðar enda þarft efni á ferðinni í kennslu nemenda sem þurfa á að halda myndrænni framsetningu, gagnvirkni endurgjöf og endurtekningu. Það er einnig kostur við að setja námsefni fram á þetta leikrænan hátt að það vill halda nemendum betur við efnið heldur en hefðbundið námsefni á pappírsformi.

Eins og áður sagði þá er vefurinn forritaður í Flash sem því miður getur ekki talist aðgengilegasta leiðin til að birta efni á Netinu. Þegar ég kallaði t.d. fram leiðbeiningar með leiknum gat ég t.a.m. ekki á nokkurn hátt stækkað letrið. Upplýsingar með leiknum eru einungis til á ensku og finnst mér það galli.

Á Menntagátt má finna upplýsingar um annað námsefni sem einnig var styrkt af menntamálaráðuneytinu og var gefið út á síðasta ári.

Comic Life er enn í betaútgáfu (beta 2) og má því fastlega búast við að endanleg útgáfa komi á markaðinn síðar á þessu ári. Hægt er að sækja sér Windows útgáfuna á vef Plasq, en athugið að hún rennur út 1. september 2007. Áhugasamir geta svo kynnt sér efni unnið með ComicLife sem er til sýnis á Flickr. Ég er ennþá að leika mér með þetta forrit og á örugglega eftir að skrifa meira um það síðar.

Sjálfgefnar flýtivísanir í ZoomIt eru eftirfarandi (hægt er að skilgreina eigin samsetningar á flýtilyklum):

• CTRL+1 Stækkar skjámyndina
  Hægt að nota skrunhnappinn á músinni til að stækka/minnka
• Vinstri músarsmellur virkjar pennan
• CTRL+2 Penninn virkjaður án þess að stækka skjámyndina
• Hægri músarsmellur minnkar skjámyndina aftur í raunstærð
• CTRL+T til að slá inn texta (ath. að smella fyrst á vinstri músarhnapp)
  Ath. vandamál með ísl. bókstaf

Ég mæli með Zoomit fyrir tölvukennara og auðvitað aðra þá sem sýna hugbúnað eða vefi.

Hér fyrir neðan má sjá stutta skýringarmynd sem útskýrir betur en mörg orð hvernig Jing virkar. Takið eftir gula skrítna þríarma hringnum efst á skjánum, en þaðan er Jing kallað fram.

Jing hugbúnaðurinn er ókeypis (óvíst hvort hann verði það í framtíðinni) en skjámyndirnar og myndskeiðin eru hýst á Screencast.com vefnum (í eigum Techsmith) en áskrift að honum er gjaldskyld. Hægt er að sækja um 60 daga prufuáskrift til að reyna þjónustuna. Screencast.com vefurinn er að mínu mati veikasti hlekkurinn í þessari annars skemmtilegu samsetningu á hugbúnaði og netþjónustu þar sem hann er arfaslakur svo ekki sé sterkara til orða tekið. Jing býður reyndar einnig upp á staðværa vistun á myndum og myndskeiðum sem er ágætis kostur fyrir þá sem vilja geyma efni á eigin vél en vistar myndskeiðin á swf sniði (flash) og ég veit ekki til þess að YouTube og sambærilegar þjónustur samþykki það skráarform. Ég veit að það er ekkert tiltökumál að yfirfæra swf skrár á t.d. avi eða flv (flash video) snið en þar með einfaldleiki Jing fokinn út í veður og vind.

Jing er frábært verkfæri fyrir kennara í upplýsingatækni og kannski sérstaklega þá sem kenna í fjar- og dreifnámi. Jing getur örugglega komið sér vel fyrir kerfisstjóra og aðra sem aðstoða tölvunotendur þar sem það einfaldar hinum almenna notanda að senda skjámyndir til skýringa á vandamálum eða villum og kerfisstjórum að senda myndrænar skýringar til baka. Ég mun alveg örugglega nýta þetta forrit í minni kennslu enda koma oft upp tilvik þar sem ég þarf að setja saman og senda stuttar leiðbeiningar til nemenda. Ég mun áfram nota bæði Snagit og Camtasia hugbúnaðinn sem einnig kemur frá Techsmith og þá sérstaklega í viðameiri verkefnum og námsefnisgerð.

Ég vek athygli á að þegar þetta er skrifað þá er Jing í betaútgáfu og á væntanlega eftir að taka nokkrum breytingum áður en endanleg mynd kemst á forritið. Vonandi sér Techsmith sér hag í að endurbæta Screencast.com vefinn í leiðinni því eins og hann er núna þá er hann ekkert annað en dragbítur á þjónustu og hugbúnað fyrirtækisins.

p.s.
Makkamenn ættu að kynna sér Skitch sem er mjög sambærilegur hugbúnaður og Jing (ath. Jing er líka til fyrir makka), jafnvel enn betri.

Hermiforrit bjóða upp á fjölmarga spennandi möguleika í námi og kennslu og má finna mikinn fjölda slíkra forrita á Netinu með lítill fyrirhöfn. Því miður er lítið um íslenskar útgáfur. Kannski einhver bót verði á því í náinni framtíð?

Hér eru fleiri hermiforrit í java. Allar ábendingar um sniðug hermiforrit sem henta vel í kennslu eru vel þegnar.

• Walter-Fendt
• My physicslab
• Skólavörubúðin

Technorati Tags: simulations, applets, flash

Ég hef verið í góðu samstarfi við Skólavörubúðina um kynningu á Clicker, en Skólavörubúðin er umboðsaðili fyrir Cricksoft framleiðendur Clicker hugbúnaðarins.

Þrátt fyrir að Clicker hafi upphaflega verið hugsað í kennslu nemenda með sértækar námsþarfir þá er um að ræða mjög sveigjanlegan hugbúnað sem hentar vel á leikskólastiginu og í yngri bekkjum grunnskólans. Clicker fylgir og vandað safn mynda sem gott er að hafa við höndina þegar verið er að setja saman verkefni. Einn helsti kostur Clicker er hversu einfalt það er í notkun.

Nýlega kynnti ég Clicker fyrir meðlimum í Félagi enskukennara á Íslandi (FEKI) en möguleikar Clicker í enskukennslu eru fjölmargir og spennandi. Ekki síst vegna þess að forritið inniheldur öflugan talgervil sem hefur þá virkni að um leið og nemandi slær inn texta á ensku er hægt að fá hann upplesinn. Um þessar mundir er einnig verið að kanna möguleika Clicker í nýbúakennslu.

Á vef Skólavörubúðarinnar er hægt að skrá sig á námskeið í Clicker, en næsta námskeið verður haldið þegar nógu stór hópur hefur skráð sig. Skólar geta einnig haft samband við Skólavörubúðina ef þeir hafa áhuga á að fá námskeið til sín.

Technorati tög: cricksoft, clicker