sfjalar

Crayon Physics nefnist hugbúnaður sem ég hef kynnt lesendum undir liðnum gagn og gaman hér á blogginu. Fyrir stuttu ákvað ég að láta reyna á forritið með nemendum mínum á starfsbraut FB og í stuttu máli sagt þá sló það eftirminnilega í gegn.

English Game er nýtt gagnvirkt námsefni í formi tölvuleiks sem byggir lauslega á hugmyndafræði hlutverka- og sýndarveruleikaleikja. Leikurinn er ætlaður sem stuðnings- eða viðbótarefni í enskukennslu 7 til 10 ára gamalla nemenda og henta vel til sjálfstæðrar vinnu í skólastofunni eða heima meðfram öðru námsefni.

Í kennslu minni á starfsbraut Fjölbrautaskólans í Breiðholti stend ég ósjaldan frammi fyrir því að nemendur þurfa á að halda kennslu og/eða þjálfun í notkun tölvumúsar.

Jónas Antonsson nemandi við Háskólann í Reykjavík hefur skrifað skemmtilega ritgerð um Kaffipásuleiki (Casual Games). Ritgerðin heitir “Kaffipásuleikir - framtíðar ásjóna leikjaiðnaðarins”. Ritgerðina má sækja á vef Jónasar og er vel þess virði að lesa.