Space Invaders Einn vinsælasti tölvuleikur allra tíma. Hannaður og forritaður af Toshihiro Nishikado fyrir Taito fyrirtækið í Japan. Kom út árið 1978. Gefin út í Bandaríkjunum árð 1980 af Midway. Spilaðu upprunalegu útgáfuna	Alienated Ágæt eftirlíking þrátt fyrir að grafíkin sé ekki alveg í samræmi við frumgerðina. Stýrður með bilslá og örvatökkum eða rofa. ALT+F4 til að hætta. Höfundur: William Pilgrim. Smelltu hér til að sækja leikinn.
Asteroids Gefin út í Bandaríkjunum árið 1979 af Atari og er einn vinsælasti leikur Atari fyrr og síðar. Svo vinsæll varð leikurinn að sumstaðar varð að setja stærri kassa undir smápeninga í spilakassann . Spilaðu upprunalegu útgáfuna	Asteroids of Orion Sniðug útgáfa af Asteroids sérhönnuð fyrir rofa. Virknin er nokkuð ólík frumgerðinni. Bilslánni er haldið niðri til að sleppa sprengju og sleppt til þess að sprengja hana (helst nærri loftsteini) Smelltu hér til að sækja leikinn
Q*bert Framleiddur og markaðssettur af bandaríska fyrirtækinu Gottlieb árið 1982. Eini tölvuleikur fyrirtækisins sem náði umtalsverðum vinsældum. Skemmtilegur og frumlegur leikur. Spilaðu upprunalegu útgáfuna	Cubes Stórskemmtileg og vel gerð eftirlíking af Q*bert leiknum. Hægt að spila með lyklaborði eða rofa. Alt+F4 til að hætta að spila. Höfundur: Graeme’s Free Games. Smelltu hér til að sækja leikinn.
Frogger Markaðssettur árið 1981 af Konami en dreift í Bandaríkjunum af Sega/Gremlin. Þótti bæði flottur og frumlegur og ekki skemmdufjörleg hljóðin fyrir. Spilaðu upprunalegu útgáfuna	Froggy Ribbit Frábær útgáfa af þessum stórskemmtilega leik. Verulega vel gerð eftirlíking. Höfundur: Chris Mair Smelltu hér til að sækja leikinn
Pac-Man Gefin út af Namco og kom fyrst út í Japan árið 1980 en var dreift í Bandaríkjunum af Midway. Pac-Man varð fyrirmynd að nýrri tegund tölvuleikja, en áður höfðu skotleikir eins og Space Invaders ráðið lögum og lofum. Spilaðu upprunalegu útgáfuna	Maze Muncher Ágæt útgáfa af Pac-Man þrátt fyrir að víkja nokkuð frá upprunalega leiknum í útliti. Hægt að nota lyklaborðið (örvalyklana) til að spila eða rofa. Til að hætta er smellt á Alt+F4. Höfundur: Graeme’s Free Games Smelltu hér til að sækja leikinn

Heimild: Oneswitch.org

Góðir leikir eru heillandi fyrirbæri sem krefjast oftar en ekki skapandi hugsunar, útsjónarsemi og þrautseigju. Þeir reyna á samhæfni handa og augna og halda spilaranum hugföngnum á meðan hann glímir við stöðugt erfiðari lausnir. Þegar ég gef nemendum mínum frjálsan tíma í tölvunni, kannski sem umbun fyrir góða vinnu, þá vil ég helst að þeir takist á við eitthvað sem er skemmtilegt og á sama tíma krefjandi. Bloxorz er einmitt þannig leikur og blessunarlega laus við tilgangslaust ofbeldið sem því miður einkennir allt of marga tölvuleiki í dag.

Ég tilkynni það einnig hér með, að ég hef ákveðið að bæta við nýjum lið á vefinn minn þar sem ég safna leikjum sem ég tel vænlega í skólastarfi. Skiptir þá ekki máli hvort þeir eru ætlaðir til afþreyingar eða tengdir einhverri verkefnavinnu. Bloxorz er fyrsti leikurinn sem fer á þennan sess en fleiri munu bætast við í náinni framtíð. Ég mun opna þessa síðu mjög fljótlega og tilkynna það þá sérstaklega (vil safna aðeins fleiri leikjum fyrst).

Látið mig endilega vita ef þið þekkið virkilega góða leiki. Helst vil ég leiki sem hægt er að varpa á aðra vefi líkt og Blozorz. Ég er ekki eins spenntur fyrir leikjum á leikjasíðum sem eru uppfullar að auglýsingum. Ég er alveg til í að fjalla um leiki sem eru til sölu, en auðvitað er ég ginkeyptari fyrir ókeypis efni.

p.s.
Stundum hefur leikurinn ekki viljað birtast með færslunni og hef ég þá þurft að endurhlaða (e. refresh) síðunni (einfaldast að styðja á F5 lykilinn).

Kastaðu í kókoshneturnar

Hentu boltanum í kókoshneturnar með því að styðja á rofann (eða bilslánna). Felldu allar kókoshneturnar til þess að sjá þær dansa. Allar frekari upplýsingar um leikinn má finna hér.

Töfradrykkurinn

Blandaðu þinn eigin töfradrykk og drekktu hann til að sjá hver áhrifin verða. Áður en leikurinn hefst er hægt að ákveða hvort notast er við mús, lyklaborð eða rofabúnað. Frekari upplýsingar hér.

Galdraeggin

Bíddu þangað til þú sérð egg birtast á skjánum. Studdu þá á rofann (eða smelltu á músarhnappinn) til þess að brjóta eggið og sjá hvaða galdraveru það hefur að geyma. Frekari upplýsingar hér.

Náðu nagdýrunum

Fylgstu vel með nagdýrinu þar sem það fer niður rörið. Sláðu það svo í hausinn með dagblaðinu þegar þú sérð það birtast. Frekari upplýsingar hér.