sfjalar

Á kynningardegi Námsgagnastofnunar sem haldinn verður í Árbæjarskóla miðvikudaginn 20. ágúst nk. mun ég opinbera nýja íslenska handbók í Sketchup teiknihugbúnaðinum magnaða frá Google. Handbókin verður aðgengileg án endurgjalds á vef Námsgagnastofnunar á pdf sniði.

1. febrúar er dagur stærðfræðinnar og af því tilefni hefur Flötur, samtök stærðfræðikennara á Íslandi, gefið út fjölbreyttan verkefnabanka sem helgaður er stærðfræði og umferðinni. Á Netinu er einnig sneysafullt af vönduðu efni til stærðfræðikennslu.

Á Gapminder vefnum er nú að finna tvö myndskeið sem eru í senn skemmtileg og fræðandi. Myndskeiðin eru birt undir yfirskriftinni Gapcast þar sem greinilega er verið að leika sér með hugtakið Podcast. Fræðimaðurinn sænski, Hans Rosling, er í aðalhlutverki í myndskeiðunum en Gapminder hugbúnaðurinn magnaði fer einnig með viðamikið hlutverk.

Ég get varla talist sérstakur áhugamaður um notkun tímalína í kennslu en veit að þær geta komið að góðum notum við ákveðnar aðstæður. Þegar ég hugsa til baka dettur mér helst í hug að áhugaleysi mitt stafi af ofnotkun þessa kennslutækis í sögukennslu þegar ég var nemandi í framhaldsskóla. Þær tímalínur sem hér verða kynntar [...]

Google er ekki eitt fyrirtækja um þann skemmtilega sið að bjóða reglulega til sín rithöfundum, fræðimönnum, listafólki og jafnvel stjórnmálamönnum með stutta fyrirlestra um sérsvið sitt eða málefni líðandi stundar. Ólíkt flestum öðrum þá hefur Google gert þessar uppákomur aðgengilega okkur hinum undir fyrirsögninni @Google Talks rásinni á Youtube.

Tungumálakennarar ættu hiklaust að kynna sér Quizlet en þar er á ferðinni netbundin þjónusta sem gerir þeim (og auðvitað öllum öðrum líka) kleift að setja saman orðalista og leggja fjölbreyttar æfingar fyrir nemendur. Quizlet er dæmigerður web 2.0 vefur þar sem notendur geta deilt með sér orðalistum og æfingum sem þeir hafa skapað. Quizlet er [...]

“Turn Over Your Papers … Now!” nefnast forvitnilegir útvarpsþættir í umsjón John O’Farrell á BBC Radio 4. Umfjöllunarefni þeirra ætti að höfða til kennara og áhugafólks um nám og kennslu, en þeir fjalla um námsmat. Þættirnir eru vel unnir, fróðlegir að hlusta á og líkt og aðrir útvarpsþættir á BBC Radio 4 þá eru þeir [...]

Teachertube er safn stuttra myndskeiða sem kennarar geta nýtt í kennslu. Eins og nafnið gefur til kynna er hér á ferðinni enn ein útgáfan af Youtube og sambærilegum vefjum nema hvað áherslan er öll notagildi myndskeiðanna í námi og kennslu.

Windows stýrikerfið og Office safnið eru án efa mikilvægustu hugbúnaðarlausnir Microsoft og vandfundinn sá tölvunotandi sem hefur ekki í það minnsta einhverja reynslu af notkun hvoru tveggja. Nú hafa nýjar útgáfur af Windows og Office litið dagsins ljós og þrátt fyrir ólíkar skoðanir netverja á ágæti þeirra má telja nokkuð öruggt að þær verði ráðandi [...]

Heildarverk Charles Darwins eru nú aðgengileg á Netinu. Yfir 50.000 síður og 40.000 myndir.