sfjalar

Það fór því miður eins og marga grunaði að bandarískur dómstóll myndi dæma Blackboard fyrirtækinu í hag í lögsókn þess gegn kanadískum framleiðanda Desire2Learn námsstjórnunarkerfisins. Niðurstaðan varð ljós sl. föstudag og samkvæmt henni verður Desire2Learn að greiða Blackboard 3.1 milljónir dollara í skaðabætur. Blackboard getur einnig krafist þess að sala á Desire2Learn kerfinu verði bönnuð [...]

Moodle fær glæsilegan vitnisburð í spánnýrri könnun ElearningGuild þar sem m.a. var reynt að meta ánægju notenda með netbundin námsumhverfi. Þátttakendur í rannsókninni voru rúmlega 2300. Í rannsókninni fær Moodle hugbúnaðurinn mun betri dóma en aðrar og dýrkeyptari lausnir sem innleiddar hafa verið m.a. við íslenska skóla. Hér má nefna bæði Angel og Blackboard/WebCT.

Í Netlu, vefriti Kennaraháskólans, má nú finna fyrsta hluta af þremur í greinaflokki eftir mig sem ég nefni Opnar lausnir. Í flokknum er fjallað um frjálsan og opinn hugbúnað og tekist á við þá spurningu hvaða hlutverki hann hafi að gegna í nútímaskólastarfi.

Í nýrri og mjög ítarlegri skýrslu eLearning Guild, Report on Learning Management Systems (LMS) kemur berlega í ljós að notkun Moodle einskorðast ekki við hið akademíska umhverfi heldur nýtur lausnin mikilla vinsælda innan smærri og meðalstórra fyrirtækja.

Umfangsmiklum prófunum á nýjustu útgáfunni af Moodle námsumhverfinu, Moodle 1.8, er nú lokið. Mælt er með því að notendur uppfæri vefi sína yfir í hina nýju útgáfu.

Blackboard sendi í dag frá sér fréttatilkynningu þar sem því er heitið að beita aldrei umdeildu einkaleyfi fyrirtækisins (og öðrum sem enn bíða afgreiðslu) á grunnþáttum námsstjórnunarkerfa (course management systems) gegn opnum hugbúnaði eða heimasmíðuðum lausnum á sviði netbundinna námsumhverfa svo lengi sem viðkomandi kerfi eru ekki hluti af séreignahugbúnaði.

Idahoe State University nýtir WebCT 4.0 námsumhverfið, en þar sem stuðningur Blackboard/WebCT við þá útgáfu rennur út í júlí 2008 eru skólastjórnendur farnir að huga að uppfærslu. Í þessari stöðu væri sjálfsagt að uppfæra í útgáfu 6.0 af WebCT en sökum umfangs slíkrar uppfærslu hefur verið ákveðið að kanna aðra möguleika í stöðunni, þ.e. önnur [...]

Snemma þessa árs óskuðu eLearning Guild samtökin eftir hagnýtum ráðleggingum frá meðlimum sínum hvað varðar val, innleiðingu og umsýslu vefumsjónarkerfa og netbundinna námsumhverfa. Yfir 400 áhugasamir meðlimir svöruðu kallinu og hafa ráðleggingar þeirra nú verið lesnar yfir og flokkaðar og gefnar út í þremur rafritum.

University of California, Los Angeles er án nokkurs vafa einn af virtustu háskólum Bandaríkjanna enda fær enginn bandarískur háskóli fleiri umsóknir um námsvist á hverju ári. Hún er því eftirtektarverð sú ákvörðun stjórnenda UCLA að velja Moodle sem netbundið námsumhverfi skólans.

Áhugaverð umræða á Ed Tech Talk um DOPA og einkaleyfi Blackboard á námsstjórnunarkerfum.