sfjalar

Vandamálið við ókeypis þjónustur á Netinu er að þeim fylgir engin líftrygging. Þetta fengur notendur Ning tengslanetsins að kynnast um daginn þegar þeim var tilkynntp að ekki lengur yrði boðið upp á ókeypis aðgang heldur yrðu allir að borga.

Synchtube er nýtilkominn vettvangur sem sameinar YouTube myndskeið og hefðbundið rauntíma spjall. Synchtube gæti hæglega orðið mikilvæg viðbót við verkfærakistu fjarkennarans sem getur með aðstoð þess skapað lifandi umræðu meðal nemenda um efni sem hann setur fram í myndskeiði.

Fyrir nokkur tók ég þátt í betaprófunum á Sliderocket þjónustunni sem er einskonar netlæg útgáfa af Powerpoint. Ég var nokkuð ánægður með þá reynslu, en núna þegar Sliderocket hefur formlega opnað og kynnt verðskrá sína almenningi renna á mig tvær grímur.

Becta stofnunin breska hefur undanfarið rannsakað Web 2.0 tæknina / aðferðarfræðina, eiginleika hennar og gildi í skólastarfi. Stofnunin hefur nú gefið út fimm yfirgripsmiklar skýrslur þar sem m.a. má finna skilgreiningu á web 2.0 og yfirlit yfir helstu virkni, kosti og hindranir við innleiðingu og notkun.

Zoomorama er nýr vettvangur á Netinu til að hýsa og setja fram myndefni, þ.e. ljósmyndir, teikningar og jafnvel myndskeið af YouTube. Ólíkt Flickr, Smugmug og öðrum álíka þjónustum sem hýsa ljósmyndir þá er Zoomorama öðru fremur skemmtileg leið til framsetningar á efni.

Sketchcast er netbundin þjónusta sem býðurnotendum upp á skemmtilega leið til þess að setja saman og birta einfaldar skissur með eða án tals á hvaða vef sem er.

Ég get varla talist sérstakur áhugamaður um notkun tímalína í kennslu en veit að þær geta komið að góðum notum við ákveðnar aðstæður. Þegar ég hugsa til baka dettur mér helst í hug að áhugaleysi mitt stafi af ofnotkun þessa kennslutækis í sögukennslu þegar ég var nemandi í framhaldsskóla. Þær tímalínur sem hér verða kynntar [...]

Undanfarið hef ég unnið að uppsetningu á wikivef fyrir Fjölbrautaskólann í Breiðholti og hillir nú undir lok þeirrar vinnu. Wikivef FB er ætlað að þjóna því hlutverki að vera opinn samstarfsvettvangur og vinnusvæði nemenda og kennara skólans og er efni hans aðgengilegt öllum samkvæmt leyfisskilmálum Creative Commons. Sjálfur hef ég notað wiki í kennslu til [...]

Tungumálakennarar ættu hiklaust að kynna sér Quizlet en þar er á ferðinni netbundin þjónusta sem gerir þeim (og auðvitað öllum öðrum líka) kleift að setja saman orðalista og leggja fjölbreyttar æfingar fyrir nemendur. Quizlet er dæmigerður web 2.0 vefur þar sem notendur geta deilt með sér orðalistum og æfingum sem þeir hafa skapað. Quizlet er [...]

Þann 12. mars nk. hefst spennandi dagskrá á Netinu þar sem alþjóðlegur hópur virtra fagaðila á sviði opins hugbúnaðar í námi og kennslu kemur saman og fjallar um viðfangsefnið hver frá sínu sjónarhorni. Umfjöllunin er í formi greinaskrifa eða viðtala og verður viðkomandi höfundur til umræðu um framlag sitt á þeim tíma sem viðfangsefni hans [...]