Eins og sjá má er notendaviðmótið kunnuglegt í meira lagi, sem er gott því það auðveldar notendum að fóta sig á þessum nýja vettvangi. Það er einn af stærri kostum Podio hversu einfalt það er í notkun og notendaviðmótið stílhreint og aðgengilegt. Það er t.a.m. mun stílhreinna og þægilegra í notkun en Ning sem er að ýmsu leyti sambærileg lausn.

Félagslegt innranet

Podio er hugsað sem samverustaður starfsmanna fyrirtækis eða stofnunar, en rúmar einnig utanaðkomandi aðila, t.d. viðskiptavini eða samstarfsaðila í tengslum við ákveðin verkefni. Fyrsti viðkomustaður notenda er hið svonefnda “Employee Network” þar sem samankomnir eru allir starfsmenn fyrirtækisins. Þessi samastaður er mjög fésbókarlegur, eins konar heimasvæði þar sem birtast öll samskipti viðkomandi starfsmanns þvert á vinnusvæði.

Vinnusvæði

Hægt er er að skilgreina eitt eða fleiri vinnusvæði (e. workspaces) sem geta rúmað ótilgreindan fjölda vinnufélaga auk utanaðkomandi aðila. Vinnusvæðin geta verið opin eða lokuð, þ.e hægt er að búa til vinnusvæði utan um afmörkuð verkefni sem ákveðinn hópur hefur aðgengi að. Vinnsvæðin byggja á sama notendaviðmóti og fyrrgreint heimasvæði starfsmanna með færslustrauminn miðlægan. Þar til viðbótar er einfalt að bæta við viðbótareiningum, svonefndum öppum (e. apps) allt eftir því hvað hentar hverju viðfangsefni.

Verkfæri

Podio inniheldur tölvupóstkerfi þar sem notendur geta sent skeyti sín á milli, tengiliðalista (e. contact list), dagatal og verkbók. Verkbókin er sérlega handhæg því með aðstoð hennar er auðvelt að setja verkefni á annað hvort sjálfan sig eða aðra notendur. Þegar verkefni er skilgreint og tímasett færist það sjálfkrafa í dagatalið. Auðvelt er að deila skjölum með Podio og t.a.m. var nýlega komið á tengingu við Google Docs. Podio er því kjörið verkfæri til samskipta og verkefnastjórnunar.

Til viðbótar

Podio inniheldur sína eigin appverslun þar sem notendur geta valið um fjöldan allan af viðbótum sem auka mjög á eiginleika kerfisins. Þar er t.a.m. hægt að sækja viðbót til að halda utan um viðburði, tímaskráningar, fundi og fundargerðir, hugflæði og hvaðeina. Reyndar er varla hægt að kalla þetta verslun þar sem viðbæturnar má sækja endurgjaldslaust.

Viðbæturnar eru sóttar takar eða í samsettum pökkum, t.d. er hægt að sækja heilan pakka af viðbótum sem í sameiningu mynda innranet, eða pakka sem inniheldur verkfæri til viðburðastjórnunar eða hugbúnaðarþróunar. Það kom mér þægilega á óvart hvað úrvalið af viðbótum/öppum er mikið. Þess má einnig geta að notendur hafa kost á því að smíða eigin viðbætur, hafi þeir á annað borð kunnáttu til slíkra verka. Þær viðbætur geta þeir síðan deilt með öðrum notendum.

Hvers vegna að nota Podio?

Þessa dagana er ég að prufukeyra Podio með samstarfskonum mínum í stjórn 3f og gengur það mjög vel. Við vorum farin að nýta kerfið til samstarfs nánast um leið og við höfðum skráð okkur fyrir aðgangi.

Ef rétt er með farið geta félagleg innranet eins og Podio aukið samskipti og bætt verklag innan fyrirtækja, stofnana eða vinnuteyma. Við í 3f getum örugglega fækkað fundum og gert þá fundi sem nauðsynlegt er að halda bæði styttri og markvissari.

Podio hentar vel fyrir teymisvinnu hverskonar og sérstaklega kemur það að góðum notum þegar aðilar teymisins eru dreifðir og eiga erfitt með að hittast á hefðbundum fundum. Að sjálfsögðu má notast við verkfæri eins og Skype til fjarfunda, en Podio er annað og meira. Podio er reyndar kjörinn vettvangur til að samþætta vinnu með hinum og þessum verkfærum, s.s. Skype, Google Docs, Trello og Mindmeister svo fátt eitt sé nefnt.

Podio ekki eina lausnin sinnar tegundar, alls ekki. Hér hefur þegar verið minnst á Ning, en fjölmargar aðrar lausnir standa netverjum til boða. Ég get t.a.m. nefnt Huddle, Yammer, Basecamp og jafnvel Sharepoint. Þess má geta að Podio hefur fengið mjög jákvæðar móttökur og eru þeir sem skoðað hafa verkfærið almennt sammála um að þarna sé mjög spennandi fyrirbæri á ferðinni.

Kostnaður

Podio byggir á freemium módelinu og eru tvær áskriftarleiðir í boði. Önnur er ókeypis og fylgir henni aðgangur fyrir 5 starfsmenn og 5 utanaðkomandi aðila og allt að 1GB geymslupláss. Einnig er hægt að kaupa aðgang og kostar hann 8 dollara fyrir hvern starfsmann á mánuði. Það kann að þykja nokkuð dýrkeypt, en miðað við sambærilegar lausnir er það ekki svo mikið.

Podio er til sem app fyrir iphone og ipad.

Einkenni (e. hashtag) fundarins á twitter var #appfundur og bættu netverjar því aftan við tístin sín til þess að merkja færslurnar. Til þess að fylgjast með fundinum með aðstoð twitter leituðu notendur eftir þessu einkenni og fengu þá strauminn beint í æð.

Fundurinn er frábært dæmi um hvernig hægt er að nýta samfélagsmiðla á viðburðum sem þessum og sýnir um leið hversu öflugt verkfæri Twitter getur verið. Sjálfsagt er að taka með í reikninginn að salurinn var fullur af vel græjuðu og tölvulæsu fólki. Væntanlega hefðu færslurnar verið öllu færri hefði samsetning hópsins verið önnur.

Tekið skal fram að ég vinn í sölu- og markaðsdeild Advania.

Gove hóf ræðuna á jákvæðu nótunum og gerði góðan róm að ýmsum landvinningum breskra fyrirtækja í skólastarfi. Tók hann sem dæmi Cricksoft fyrirtækið, framleiðanda Clicker hugbúnaðarins vinsæla og Promethean sem hannar og selur gagnvirkar töflur. Rakti ráðherran svo í stuttu máli byltingarkennd áhrif upplýsingatækninnar á hefðbundnar atvinnugreinar eins og blaðamennsku og læknisfræðina. Sama hvert litið er, fullyrti Gove, hefur upplýsingatæknin haft afgerandi áhrif á nánast allar atvinnugreinar. Með einni undantekningu þó og það er skólastarf.

The fundamental model of school education is still a teacher talking to a group of pupils. It has barely changed over the centuries, even since Plato established the earliest “akademia” in a shady olive grove in ancient Athens.

A Victorian schoolteacher could enter a 21st century classroom and feel completely at home. Whiteboards may have eliminated chalk dust, chairs may have migrated from rows to groups, but a teacher still stands in front of the class, talking, testing and questioning.

Þetta er stórkostlegt vandamál að mati Gove og það verður ekki lengur lifað við skólakerfi sem er illa fært um að undirbúa nemendur fyrir líf og leik í tæknivæddu nútíma samfélagi.

Our school system has not prepared children for this new world. Millions have left school over the past decade without even the basics they need for a decent job. And the current curriculum cannot prepare British students to work at the very forefront of technological change.

Breytinga er þörf og breytingar verða gerðar segir Gove. En hvaða hlutverki hefur tæknin að gegna í skólastarfi. Gove bendir á þrjá þætti:

• Með aðstoð tækninnar er auðveldara en nokkurntíman áður að miðla vönduðu námsefni til nemenda á aðgengilegan og ódýran hátt.
• Ef rétt er á haldið getur tæknin verið öflugur hvati fyrir nýja kennsluhætti sem eru betur í takt við nútíma samfélag.
• Tæknin Námsmat

Við ætlum ekki að skipa ykkur fyrir verkum segir Gove og áherslan verður lögð á mannlega þáttin en ekki tækjabúnaðinn. Það er mikilvægtast að efla kennaramenntunina og gera kennara hæfa til að takast á við hin fjölmörgu tækifæri sem tæknin hefur að bjóða.

It is vital that teachers can feel confident using technological tools and resources for their own and their pupils’ benefit, both within and beyond the classroom, and can adapt to new technologies as they emerge. That means ensuring that teachers receive the best possible ITT and CPD in the use of educational technology.

Sjónum verður einnig beint að námskránni í upplýsingatækni sem kennarar og forystumenn í atvinnugeiranum hafa gagnrýnt jöfnun höndum. Í stað þess að stýra kennslu í upplýsingatækni í gegnum fastmótaða námskrá eins og nú er raunin vill Gove gefa skólum lausari taum til þess að þróa kennslu í upplýsingatækni á þann hátt sem þeir vilja. Nám í upplýsingatækni verður eftir sem áður skylda og námskráin verður til staðar á vefnum sem einskonar handbók eða uppflettirit, en frá ob með næsta september verður skólum ekki skylt að fylgja henni.

In an open-source world, why should we accept that a curriculum is a single, static document? A statement of priorities frozen in time; a blunt instrument landing with a thunk on teachers’ desks and updated only centrally and only infrequently?

Ímyndið ykkur möguleikana, segir Gove, sem felast í því að fjarlæga þá hindrun sem núverandi námskrá er. Í stað þess að hundleiðir kennarar kenna hundleiðum nemendum á verfæri á borð við Microsoft Excel og Word gætum við kennt 11 ára skólabörnum að forrita í Scratch og vinna með hugtök og aðferðir sem þau hefðu annars kynnst í háskóla í fyrsta lagi.

Heimildir:

• Michael Gove speech at the BETT Show 2012
• ‘Harmful’ ICT curriculum set to be dropped this September to make way for rigorous Computer Science

Því næst er ein af þremur bifreiðum notandands valin af tækjastikunni neðst á skjánum og dregin á götuna og smellt á GO hnappinn. Ekur þá bifreiðin af stað og öll tréin og húsin og götuljósin og skreytingarnar gefa frá sér hljóð um leið og ekið er framhjá þeim. Hvern einstaka hlut sem liggur við götuna  má smella á og stilla nákvæmlega hvaða tón hann gefur frá sér og hversu lengi. Það er krefjandi þolinmæðisvinna, en á þennan hátt má skapa skemmtileg tónverk.

Það er auðvitað ekki fyrir hvern sem er að setja saman popplag með öllu tilheyrandi í Isle of Tune, en sumir geta það og allir hafa gaman af því að reyna. Tónaeyjan hentar vel í starfi með leikskólabörnum og börnum á yngsta stigi grunnskólan.s

Allar frekari upplýsingar eru hér.

Samhliða ráðstefnunni geta ráðstefnugestir skoðað sýningarsvæði UTmessunnar þar sem öll helstu tölvufyrirtæki landsins eru með sýningarbás.

Innskráðir notendur geta vistað gröf og útreikninga á eigin svæði (e. my graphs) og deilt með öðrum. Smelltu hér til að sjá hvernig hægt er að vista gröf og senda á aðra notendur. Þetta er einfaldlega frábær kostur í skólaumhverfinu. Gröf má einnig vista sem myndir á png sniðinu.

Þegar þetta er skrifað virkar Desmos Internet Explorer 9+, Chrome, Firefox 4+ og Safari 3+. Ég prufaði hugbúnaðinn í Chrome og iPad og það gekk eins og í sögu. Ég prufaði Desmos einnig á iPhone en það gekk ekki.

Frestur til að sækja um styrk til verkefna vegna skólaársins 2012-2013 er til og með 20. febrúar 2012.

Stjórn sjóðsins hefur ákveðið að allt að þriðjungi ráðstöfunarfjár verði úthlutað til verkefna sem tengjast eftirfarandi áherslusviðum:

• Námsmat.
• Jákvæður skólabragur og samskipti

Frekari upplýsingar má finna á vef Sambands íslenskra sveitarfélaga.

Samhliða útgáfunni á iBooks Author kynnti Apple nýja kynslóð af bókalesaranum sínum, iBooks 2, sem keyrir á iPad og er nauðsynlegur til að birta margmiðlunarefnið sem unnið er í iBooks Author. Með þessum aðgerðum má segja að Apple hafi lokað hringnum hvað námsbækur varðar og hafi nú alla þræði í hendi sér, þ.e. verkfæri til að setja saman kennsluefni, vettvang til að miðla efni og vélbúnað til að birta það.

Góðu fréttirnar

iBooks Author virðist virkilega spennandi verkfæri sem gerir nánast hverjum sem er kleift að setja saman gagnvirkt kennsluefni til nota með iPad spjaldtölvunni. Ég hef séð sýnishorn af rafbók sem unnin er á þennan hátt og birt í iBooks 2 og þetta er sannarlega bylting í bókagerð. Bók sem unnin er með iBooks Author getur m.a. innihaldið html einingar samhliða textanum, myndasöfn, Keynote glærusýningar, gagnvirkar myndir, þrívíðar myndir, myndskeið og kaflapróf (e. chapter reviews). Gott yfirlit yfir þessa eiginlega má finna hér á vef Apple. Ekki skemmir fyrir að iBooks Author er ókeypis hugbúnaður auk þess sem Apple skaffar öruggan og öflugan dreifingarmáta (iTunes) og birtingarmáta (iPad).

Slæmu fréttirnar

iBooks Author er því miður einvörðungu fáanlegt fyrir Apple tölvur og ég efast stórlega um að fyrirtækið ætli sér að þróa útgáfu fyrir Windows stýrikerfið. Þetta er kannski skiljanleg ákvörðun hjá fyrirtæki sem er á markaði til að græða peninga, en takmarkar engu að síður mjög aðgengi að forritinu sem er slæmt.

Í annan stað þá loga netheimar yfir vægast sagt yfirgengilegum skilmálum sem fylgja notkun forritsins. Þannig er að sá sem hannar efni með iBooks Author hefur tvo kosti hvað útgáfu varðar. Hann getur annað hvort gefið höfundarverk sitt hverjum sem hann vill endurgjaldslaust eða selt. Öll sala verður hins vegar, samkvæmt notendaskilmálum hugbúnaðarins, að fara fram í gegnum Apple sem tekur 30% í sinn hlut. Þetta er því fullkomlega lokaður vettvangur og kjósi höfundar að nýta sér hann eru þeir læstir í viðjum Apple á öllum stigum málsins. Það er mjög slæmt.

Í þriðja lagi notast Apple við lokaðan staðal við útgáfu á efni sem unnið er með iBooks Author. Samkvæmt þeim skrifum sem ég hef lesið um þetta efni virðist Apple að mestu leyti styðjast við epub 3 staðalinn en breyta samt nógu mikið frá honum til að gera bækur sem gefnar eru út fyrir iBooks 2.0 ólæsilegar á öðrum vettvangi.

Framtíð kennslubókarinnar

Apple hefur löngum haft sterkar taugar til skólakerfisins og því verður ekki neitað að framlag þeirra til náms og kennslu hefur í gegnum tíðina verið umtalsvert. Til að styrkja stöðu sína á bókamarkaði þar sem þeir keppa við risa á borð við Amazon er því fullkomlega eðlilegt og í raun stórsniðugt að sækja á skólamarkaðinn sem er ekki bara stór heldur “ripe for revolution” eins og kaninn segir gjarnan. Mér hugnast hins vegar lítt lokaðir staðlar og læst kerfi og því miður virðast hæstráðendur Apple sjá skólakerfið öðru fremur sem tækifæri til að selja enn fleiri tölvur. Það má meira en vel vera að framtíð kennslubókarinnar sé stafræn en sú framtíð getur aldrei verið eign eins fyrirtækis hversu framsækið það kann að vera.

Allar frekari upplýsingar má finna á vef mennta- og menningarmálaráðuneytisins.

Væntingarhringrásin er myndræn framsetning á þroska, innleiðingu og félagslegum viðtökum tækninýjunga og gefur, ef byggt er á áreiðanlegum gögnum, greinargóðar vísbendingar um núverandi stöðu og framtíðarþróun. Með aðstoð væntingarhringrásarinnar má greina hvort og hvernig einstök tækninýjung nær að yfirstíga uppblásnar væntingar sem svo oft fylgja spennandi tækninýjungum og komast í almenna notkun.

Væntingarhringrás Gartners skiptist í fimm aðgreinda hluta.

• Hringrásin hefst þegar ný tækni er kynnt til sögunnar (e. technology trigger). Það getur gerst á ýmsan hátt, s.s. með blaðamannafundi, fréttatilkynningu, opnunarhátíð, kynningu eða öðru því sem skapar umtal og veldur viðbrögðum hjá áhrifafólki, fjárfestum og markaðsöflunum.
• Smátt og smátt fara væntingar til tækninnar vaxandi þangað til svo kölluðum hápunkti uppblásinna væntinga (e. Peak of Inflated Expectations) er náð. Þessi tími einkennist af hástemmdum yfirlýsingum, mikilli umfjöllun og gjarnan mjög svo óraunverulegum framtíðarspám.
• Þegar hátindi uppblásinna væntinga er náð fer oftar en ekki að halla undan fæti. Yfirdrifnar yfirlýsingar um ágæti tækninýjungar gagnast lítið þegar varan, sem enn er í þróun, nær ekki að standa við undir væntingum. Leiðin liggur því hratt niður á við þangað til botninum er náð (e. Trough of disillusionment). Á þessum tímapunkti er áhugi markaðsaflanna í lágmarki og tæknin lítt til umfjöllunar í fagritum, ráðstefnum eða á vefnum.
• Þegar vel tekst til verður markvisst þróunarstarf, elja og vinnusemi til þess að raunverulegir eiginleikar, notagildi og áhættuþættir tækninnar koma smám saman í ljós. Þróunarstarf verður markvissari með tilkomu nýrra verkfæra og aðferða og tækninýjungin mjakast hægt upp brekku upplýsingarinnar (e. Slope of enlightenment).
• Nú hefur tæknin náð að sanna sig hvað notagildi varðar og fest sig í sessi  á markaði. Önnur og þriðja kynslóð verkfæra og aðferða hafa litið dagsins ljós og náð ágætis þroska. Þessi tími nefnist háslétta framlegðarinnar. Hversu háu flugi tæknin nær veltir oft á því hvort hún höfðar til breiðs hóps notenda eða nýtist á afmarkaðri sviðum.

Á hverju ári birtir Gartner fjölda væntingarhringrása sem flestar eru aðgengilegar gegn gjaldi. Ein fróðleg undantekning er þó á þeirri reglu, nefnilega sérstök árleg skýrsla yfir tækninýjungar sem eru í deiglunni undir titlinum “Gartner’s 2011 Hype Cycle Special Report”. Skýrsluna má nálgast í heild sinni hér og er hún hin forvitnilegasta lesning (athugið að skráningar er krafist). Hér fyrir neðan má sjá mynd úr skýrslunni fyrir árið 2011.

Gartner's 2011 Hype Cycle Special Report

Væntingarhringrás Gartners var fyrst kynnt til sögunnar árið 1995 og þykir af mörgum ágætt til síns brúks, en hefur eins og gengur og gerist fengið sinn skerf af gagnrýni. Meðal annars hefur verið bent á að í raun sé ekki um hringrás að ræða heldur ferli og það ferli sem hefur í reynd takmarkað forspárgildi.
Áhugi minn á væntingarhringrásinni felst öðru fremur í því að nýta hana sem verkfæri til að sjá stöðu hinna ýmissa tækninýjunga, t.a.m. til að átta sig á notagildi í skólastarfi.

Heimildir:

• Interpreting Technology Hype
• Gartner Adds Big Data, Gamification, and Internet of Things to Its Hype Cycle
• Mastering the Hype Cycle

ámskeið í gerð umsókna um Leonardo mannaskipta- og samstarfsverkefna verður haldið mánudaginn 9. janúar kl. 13 – 15.

Frekari upplýsingar á vef Menntaáætlunar Evrópusambandsins.